• A inscrición é gratuíta e pode formalizarse ata este xoves, 18 de agosto en www.galitiming.com
• Os e as participantes sairán desde o alpendre do paseo marítimo a partir das 18 horas
Este domingo, 21 de agosto, celebrarase a duodécima edición da carreira popular do Concello de Cariño. As inscricións, que son totalmente gratuítas, aínda estarán abertas ata o xoves, 18 de agosto, ás 23:59 horas e deben formalizarse na web www.galitiming.com.
A carreira dará comezo a partir das 18 horas e a saída será desde o alpendre do paseo marítimo. Habilitáronse oito categorías: Pitufos, Sub-8, Sub-10, Sub-14, Sub,18, Sénior, Veterano A, Veterano B.
